martes, 15 de maio de 2018

Ballet "A pequena Margarita"

Un ano máis, con motivo da conmemoración do día do libro e o día da danza, puidemos disfrutar dunha sesión de ballet  interpretado polas nosas compañeiras. Gracias Tere!


venres, 11 de maio de 2018

A CANCIÓN DE FLORA

En 2º A compuxemos unha fermosa melodía entre todos para a canción de Flora do seu libro "O segredo de Flora" de edicións embora.

Primeiro analizamos a letra vendo cantas sílabas había en cada frase, despois eliximos as notas que ían formar a nosa melodía ; eliximos entre si,la e sol para poder tocala na frauta, xa que este ano foron as notas que aprendemos. Resultou unha experiencia motivadora e moi interesante.


           











Este foi o resultado. Bravo rapaces!







mércores, 2 de maio de 2018

Debuxos da Zanfona

Mirade que debuxos da zanfona fixeron os alumnos de 4º A, non falta detalle, son uns artistas.

 







luns, 23 de abril de 2018

OS MAIOS

Un ano máis a  EMUF invítanos a celebrar con eles os maios cantando o día 1 de maio ás 12 no atrio de Santo Domingo. O alumnado de 1º e 2º que queira participar, debe asistir ao ensaio xeral que terá lugar na escola municipal de folklore (San Francisco) este mércores 25 ás 17.30h, donde aprenderemos as letras e nos indicarán o tema de vestiario.




II

Este noso maio é o mes das flores
cando os paxariños cantan ledos os seus amores (tres)

Velo aí ven o maio por detrás de San Francisco
velo aí ven o maio cargadiño de trovisco
Velo aí ven o maio por detrás de San Francisco.

Dúrmete miña neniña que os paxariños calaron
despertaranche as rosiñas, rosiñas do noso maio
rosiñas do noso maio, aila lelo aila lala lala

Levántate maio que tanto durmiche
que pasou abril e ti non o viche (tres)

Velo aí ven o maio por detrás de San Francisco
velo aí ven o maio cargadiño de trovisco
Velo aí ven o maio por detrás de San Francisco







martes, 17 de abril de 2018

CONCERTO MEDIEVAL

A semana pasada asistimos a un concerto de música medieval impresionante. Puidemos disfrutar da música de Emilio Villalba e Sara Marino (www.emiliovillalba.com)  e da historia de "Amadís e o tesouro da música"


Aquí podedes ver unhas fotografías dos concertos.